Long nix mehr kert...

sel kon man laut sogen=) hon so viel erlebt in di letztn 3 Wochen,dass i gor net woas wo unfongen zu drzàhln. Vor 3 Wochen wor mr in Galway(Eltern von meiner mum hom 70 Geburtstog gfeiert). Galway isch a super tolle stodt. di schianste de i do in irlond gsegn hon!! hon in galway ùbrigens a mein sugarpaper gegriag und schun a por strangige bilder gmolt. bin v begeistert von dr zeichenkohle...
don wor letztes we st.paddys day! wor am somstig mit di màdls aus und am muntig(also am paddy `s day) mit meinem daddy=) der obend wor a legend! einmalig...mir hom so viel getrunkn=) und so viel glocht..hon viele nuie leit kennenglernt(olle over 35) mit de i a weilele gratscht hon!
des we wormer in kerry(killarney). des lig im sùden irlonds(isch ca 6stundn von easkey entfernt). v schianer ort...mir worn in kerry weil di kusine 21 gfeiert hot(riesen fest do,obwohl sich mit 21 net wirklich wos àndert=)). am freitig seinmer in killarney unkemen, sem bin i don afnocht mit àine und dr kusine(christine) ins kino gongen, step up 2! wor gonz a netter film...viel tonz(sel sog mr zua=)
am somstig seimer zum national park von killarney gfohrn,wo 2 riessige seen sein(hon i a gezeichnet).wunderschianer ort...elaine(meiner gastmum schwester),àine und i sein mit dr kutsche umen sea gfohrn...es wetter hot a gepasst...es wor oanfoch a unbeschreiblicher tog...wunderschian! hon es erste mol widr berge gsegn(vermiss berge) und wold grochn(wahnsinn wos man ols vermissn kon)...i hon mi dahoam gfùhlt...muas enk di foto zoagn.
don bin i nomittog aloan a runde spatziern gongen, zur kirche von killarney. i lieb irische kirchn,de schworzn stoanmauern sein so lovely. und man sig de net lei ausen, di kirch innen isch gleich gebaut wia di aussenmauer. di fenster sein mehr oder wianiger gotisch...mit mandalaàhnliche muster....und di forbn von di scheibn isch eher dunkel,obwohls helle forbn sein(woas net obs des verstian kennts=)...
am sunntig seimer don noch kenmare gfohrn(isch a holbe stund entfernt von killarney)...um noch kenmare zu kemen homer gmiast ùber di berge fohrn...i sog enk, des panorama,mir isch worm ums herz gwordn wen i des gsegn hon! i hon mi so verbunden zur mutter natur gfùhlt...i tat enk olle empfehln den ort mol zu besuchen...
mir sein don weiter gfohrn bis zum meer wo àine und i mit di 2 kinder kajaking worn...es wosser wor eiskolt!! i bin kopfsprung einikupft....brrr...mir hom schun a schwimmanzug unkop, ober net bei di orme,sem homer lei a jacke unkop...es wor ober v v lustig...und windig(man brauch viel ormkroft um voranzukemen)...
noch dem erlebnis seimer guat essen gongen im meer restaurant(hon wraps mit gemischten seafood kop,so kòstlich,muas i dahoam mol probiern selbst zu mochn).
afnocht wor don party ungsog...i sog enk,dr 21 isch do so viel wert...di kusine hot a bar gmietet un wor ungezogn wia mir aaafn ball..don hots zu futtern gebn und um mitternocht a riesen torte...und 21 kùsse=) fùrs geburtstogskind...v liab in 21 kuss hot si von ihrm freind gegriag...des wor v romantisch...
hon an dem obnd v gedancet mit meiner gastmum,si isch a great dancer!!!
des we wor echt v a schians we...hon viel glocht und viel nuis gsegn und zeit kop nochzudenken...ùber oltes und nuies...ùbers leben generell...und i muas sogn i hon glernt mein leben zu geniesen(wos viel wert isch) und ozuscholtn(relaxen,wos ba ins v schwar isch-to much rush)

First lesson,

heit wor i es erste mol bei Richards um Zeichenunterricht zu erholten.
Des wor erstaunlich wos der Monn mir gezoag hot.
Mit a stickl holz hot er so a wunderschians Bild gemolen, WOW

Er hot mr gezoag wia man mit Zeichenkohle auf sugar paper molt..
lovely!!

iatz muas i mr lei no kohle bsorgn und des Papier und don practise,practise und practise!!
mecht a mol so guat sein wia er...
er hot mr erzàhlt,dass er vor 40 johr ungfongen hot und durch di ùbung so guat gwordn isch.
seine bilder sein kunstwerke...
er hot mr heit gsog, dasser hofft, das seine bilder mol berùhmt werden nochdem er gstorbn isch...
mozart isch a erst noch seinem tod berùhmt gwordn...und so isches vielen berùhmtheiten ergongen...
Traurig ober wohr...
I hoff das Richards Bilder publiziert werdn, irgendwenn...
seine Bilder sein echt sehenswert...abstrakt...kronk...wunderschiane Forben...beeindruckende Persòhnlichkeit

Let it snow,

gonz genau...heit hots di nocht und am vormittog do gschniebn...wunderschian! im vergleich zu ins dahoam isch der schnea do nix(1millimeter=),ober i hon mr nia gedenkt das i huier nomol schnea sig, vor ollem net in irlond!
Danke Frau Holle.
Am Somstig wor Taufe vom Neffen in Easkey. Die Messe hot max.20min gedauert, mir worn ober lànger in dr Kirche,weil noch dr Taufe do olm a Ort Fotoshooting mit dr Poppa isch. Jeder will mit dr Poppa fotografiert werdn...
Don seimer ins Haus von dr Tante und i hon di 2 Schwestern von meinem Gastdaddy kennenglernt..olle sein v liab zu mir!!
Dr Somstig nomittog hot auschschliesslich aus futtern bestondn...guats Essen=)
Vorspeise wor fisch mit selbstgmochten tomaten und chilli brot(hon mr es rezept ergattert=)
Hauptspeise Fleisch mit Gemùse
und nochspeise Kuchen(Cheese Cake, so lecker=)
Vom vieln Futtern hon i a Mognverstimmung gegriag, deswegn wor meine Somstig nocht mit ausgian net so rosig... mir worn in an Pub(geburtstogfete) und sem hots gratis pizza gebn...fazit meiner 1.irischen Pizza:nix im Vergleich zu inserer Pizza ober net so schlecht muas i sogn(sem wor di Pizza in Solzburg oder Kroatien schlechter)
Heit moch i magari 1.,wen mr di mòglichkeit hom ausn haus zu gian...es isch a ziemlich storker schneesturm und di strossen sein v rutschig(heit isch schualfrei,weil so viele autounfàlle auf dr stross worn,wegn eis).
Brauch di zutaten fùr meine pizza.
es We seimer in Galway auf dr Birthdayparty von meiner Gastmummys eltern, sem moch i lasagne und àpflstrudl, magari a an tiramisu=) italian food is the best...
Gestern wor ausserdem muttertag do, hon meiner gastmummy a Kort gmocht: to my au-pair mummy...und a flaschl wein(mir trinkn jedn obnd a glasl wein=)si hot sich v drùber gfreit!!!
Wùnsch in olle a guate woche